Timoni.al

Category: Vendi

  • Deklarata ‘bombë’ e zyrtarit të lartë të NATO-s: Perëndimi të përgatitet për luftë me Rusinë

    Deklarata ‘bombë’ e zyrtarit të lartë të NATO-s: Perëndimi të përgatitet për luftë me Rusinë

    Vendet e NATO-s duhet të jenë në alarm të kuq për luftë dhe të presin të papriturën’,tha të mërkurën kryetari i komitetit ushtarak të shefave kombëtarë të aleancës, Rob Bauer.

    “Për të qenë plotësisht efektiv, edhe në të ardhmen, ne kemi nevojë për një transformim luftarak të NATO-s”, tha Bauer gjatë një takimi të shefave ushtarakë në Bruksel. “Edhe për këtë, bashkëpunimi publik-privat do të jetë çelësi”.

    Bauer, një admiral holandez, tha se aleatët duhet të përqendrohen në efektivitet dhe të rrisin gatishmërinë e mbrojtjes me më shumë stërvitje, partneritete industriale dhe trupa në gatishmëri të lartë. “Ne kemi nevojë për aktorë publikë dhe privatë për të ndryshuar mentalitetin e tyre nga një epokë në të cilën gjithçka ishte e planifikuar, e parashikueshme, e kontrollueshme, e fokusuar në efikasitet, në një epokë në të cilën çdo gjë mund të ndodhë në çdo kohë. Një epokë në të cilën ne duhet të presim të papritura”,shtoi Bauer.

    Ndërsa vendet e NATO-s kanë rritur ndjeshëm shpenzimet e mbrojtjes dhe kanë premtuar kontrata të reja të mëdha për prodhuesit e armëve në vazhdën e pushtimit të plotë të Ukrainës nga presidenti rus Vladimir Putin, u desh një kohë për të rritur prodhimin.

    Bauer ka qenë i sinqertë në të kaluarën për nevojën e standardizimit të municioneve të rënda të kalibrit 155, për shembull, në mënyrë që të jetë më e lehtë për vendet që të bashkëpunojnë në rezervat e artilerisë dhe të dërgojnë furnizime në Ukrainë, që mund të përdoren në sisteme të ndryshme armësh.

    “Ushtarakisht, ka shumë më tepër hapa që duhen ndërmarrë për të arritur atje ku duam të jemi, për mbrojtjen tonë kolektive,” tha Bauer, duke përmendur luftën e Ukrainës si një konflikt kritik që do të përcaktojë fatin e botës.

    ‘Gjithçka, nga përmirësimi i logjistikës deri te më shumë stërvitje të përbashkëta dhe vendosja e shumë më tepër trupave në gatishmëri aktive, janë masat me të cilat vendet e NATO-s po vazhdojnë përpara’,tha Bauer.

    “Pllakat tektonike të fuqisë po zhvendosen,” shtoi ai. “Dhe si rezultat: ne përballemi me botën më të rrezikshme në dekada”, u shpreh zyrtari i lartë i NATO-s./Politico

  • “Je duke e përdorur shumë keq nënën tënde”, banorët akuzojnë Rozën për lojën e saj

    “Je duke e përdorur shumë keq nënën tënde”, banorët akuzojnë Rozën për lojën e saj

    “Big Brother” ka nisur me dinamika të forta, banorja që ka pasur më shumë përplasje ka qenë Roza.

    Ditën e sotme banorët e kanë kritikuar shumë këtë të fundit pasi ajo shpesh herë ka përmendur nënën e saj Rita Latin.

    Ata mendojnë që Roza po përfiton në lojë duke e përdorur aktoren e humorit për të afeksionuar njerëzit pas saj.

    Roza: Mamin mos ma përmendni shpesh, sepse unë këtu kam ardhur vetëm.

    Romeo: Unë ta përmend për respekt sepse është figurë e nderuar.

    Roza: Çfarë ndjej unë, është ajo që ndjeni ju të gjithë për nënën tuaj. Mos ma thoni më këtë që po e shfrytëzoj sepse unë jam futur vetëm në lojë.

    Egla: Je duke e përdorur nënën tënde shumë keq.

  • E shtuna ditë stuhie/ Peleshi: Kemi marrë masa, na njoftoni për çdo gjë

    E shtuna ditë stuhie/ Peleshi: Kemi marrë masa, na njoftoni për çdo gjë

    Një paralajmërim për të treguar kujdes në lidhje me motin e keq ka dhënë dhe ministri i Mbrojtjes, Niko Peleshi.

    Peleshi me anë të një postimi në rrjetet sociale shpjegon se për ditën e shtunë janë parashikuar reshje të dendura shiu i cili do të përfshijë pjesën më të madhe të vendit.

    “Bazuar në informacionet e dërguara nga Instituti i Gjeoshkencës, gjatë ditës së shtunë parashikohen reshje intensive shiu në pjesën më të madhe të vendit.

    Agjencia e Mbrojtjes Civile ka koordinuar punën me të gjitha Prefekturat e vendit, për të marrë masat në kohë dhe shmangur problematikat.  Çdo qytetar të komunikojë me strukturat vendore në rast nevoje. Në gatishmëri të plotë për t’ju përgjigjur çdo situate”, shkruan ai.

  • “Je për gjynah”, Meri dhe Klodian Duro bullizojnë gazetarin: Të të falim ndonjë lekë

    “Je për gjynah”, Meri dhe Klodian Duro bullizojnë gazetarin: Të të falim ndonjë lekë

    “Vëllai i Madh” dënoi banorët mbrëmjen e djeshme  që të fitojnë me forcat e tyre ujin e rrjedhshëm në shtëpi. E emërtuar si “sfida 24” , konkurrentët të ndarë në çifte janë duke pedaluar pa pushim biçikletat, pasi nëse qëndrojnë 30 sekonda pushim, atëhere në 24 orë do të kenë vetëm 24 minuta ujë të pijshëm.

    E kjo sfidë dhe vendi i biçikletave është kthyer brenda shtëpisë së “Big Brother Vip”, si strofkulla e thashethemeve, intrigave, shakave, madje edhe talljeve.

    Së fundmi Meri Shehu dhe Klodian Duro “në kuadër të shakasë” janë “tallur”  me gazetarin Elvis Myrtaj, i cili që në momentin që vendosi këmbën në atë shtëpi tregoi për gjendjen e tij ekonomike, jo të mirë.

    Gjithmonë, në “kuadër të shakasë”, Meri i është drejtuar Lisit duke i thënë: Je për gjynah. Ndërsa, nga ana tjetër Klodiani, i cili vijoi batutat e asterologes dëgjohet teksa thotë: Hajde t’i falim ndonjë lekë. Situatë kjo e cila është marrë me të qeshura nga Lisi.

    Pjesë nga biseda:

    Meri: A ça je ti, ça je ti. Krokodil lluce je ti  

    Lisi: Hë ça jam unë, ça jam unë 

    Meri: Krokodil je  

    Lisi: Rahmetli jam

    Meri: Je për gjynah domethënë 

    Lisi: Shiko si jam 

    Klodiani: Hajde t’i falim ndonjë lekë. Ku i kemi lekët? Shko ti marrim, shko. Ja se erdhi Meritoni. Hajde Meriton, hajde m vëlla. Afrohuni këtu

  • Tronditëse në Britani, gjenden katër trupa të pajetë brenda në shtëpi

    Tronditëse në Britani, gjenden katër trupa të pajetë brenda në shtëpi

    Një ngjarje e rëndë ka ndodhur në lindje të Anglisë, ku janë gjetur 4 trupa të pajetë në një shtëpi. 

    Ka qenë një qytetar, ai i cili ka njoftuar policinë për ngjarjen e rëndë.

    Punonjësit e policisë thyen derën për të hyrë, e më pas u përballën me një pamje tragjike. 

    Ndërkohë, kanë nisur menjëherë hetimet për zbardhjen e ngjarjes.

    Sipas konkluzioneve të para të policisë, persona dyshohet se njiheshin me njeri-tjetrin, ndërsa tashmë po vijon procesi për identifikimin e tyre.

    Njëkohësisht policia u ka kërkuar banorëve të zones, që të mos dalin nga banesat derisa të përfundojnë hetimet.

  • Kush është fallxhorja që parashikoi ndarjen e Elias nga Princ Leka

    Kush është fallxhorja që parashikoi ndarjen e Elias nga Princ Leka

    Mediat më të rëndësishme ndërkombëtare si “People”, ”Vanity Fair”, “Daily Mail”, ‘New York Post”, “Independent”, “Fox News” po shkruajnë për këtë ngjarje.

    New York Post i ka dedikur mbi 4 artikuj ndarjes dhe arsyeve që çuan çiftin mbretëror drejt divorcit, por së fundmi shkruan dhe se ndarja e tyre ishte parashikuar nga një fallxhore.

    Bëhet fjalë për parashikuesen e njohur të fatit, Sally Morgan. Në një intervistë të bërë për revistën “Closer”, Morgen kishte bërë parashikimet e saj ku tha se në vitin 2024 do të divorcohej një çift mbretëror.

    Asokohe, te gjithë aluduan se ky çift do të ishte Duka dhe Dukesha e Sussex, Princ Harry dhe Meghan Markle.

    Princ Leka II dhe princesha Elia Zaharia u martuan në një ceremoni luksoze në vitin 2016.

    Katër vite pas lidhjes së martesës në vitin 2016, çifti u bënë prindër ku mirëpritën vajzën e tyre, të cilën e emëruan me emrin e gjyshes së ndjerë të princit, Mbretëreshës Geraldinë.

    Princi i kurorës Leka II u bë trashëgimtari i kurorës shqiptare pas vdekjes së babait të tij, mbretit Leka I, në vitin 2011.

    “SKY News” shkruan gjithashtu për këtë divorc shokues ku në mbyllje thotë se “tani një beqar i lakmuar, me pak gjak australian, është në ‘treg’”.

    Kush është fallxhorja që parashikoi ndarjen e Elias nga Princ
  • E trishtë! Vdes në moshën 29-vjeçare kampioni i botës në hedhje shtize

    E trishtë! Vdes në moshën 29-vjeçare kampioni i botës në hedhje shtize

    Kampioni kanadez i botës në kërcim me shtizë Shaun Barber ka vdekur në moshën 29-vjeçare, tha agjenti i tij Paul Doyle për CNN të enjten. Barber vendosi rekordin kanadez për kërcimin me shtizë për meshkuj në janar 2016. Ai fitoi një medalje të artë në Lojërat Pan Amerikane 2015 në Toronto dhe gjithashtu fitoi Kampionatin Botëror të IAAF në Pekin, Kinë, më vonë po atë vit.

    Barber ndërroi jetë në shtëpinë e tij në Kingwood, Teksas, të mërkurën nga komplikimet mjekësore, sipas një deklarate nga Departamenti i Atletikës në Universitetin e Akronit.

    Si student i kolegjit, Barber ishte anëtar i ekipit së Universitetit të Akronit, ku ai ishte 3 herë fitues i kampionatit NCAA. “Berber ishte sëmurë dhe kishte kohë që po përjetonte një shëndet të dobët”, thuhet në deklaratën e Departamentit të Atletikës.

    Universiteti e kujtoi Barberin si një njeri të mirë dhe konkurrent të denjë. “Më shumë sesa thjesht një atlet i jashtëzakonshëm, Shawn ishte një person kaq zemërmirë që gjithmonë i vendoste të tjerët përpara vetes”, tha Doyle për Associated Press. “Është tragjike të humbasësh një person kaq të mirë në një moshë kaq të re”, u tha në deklaratë.

    Barber bëri debutimin e tij në Lojërat Olimpike në Lojërat e Rio de Zhaneiro 2016 dhe fitoi një vend në finale, e cila më vonë u fitua nga Thiago Braz i Brazilit. Arritja e tij më e mirë ishte 6 metra, që është ende rekordi kanadez, sipas Olympics.com./CNN

  • VIDEO/ Si në filma! Grabitësit i vënë armën në kokë shitëses, vjedhin duhan dhe para

    VIDEO/ Si në filma! Grabitësit i vënë armën në kokë shitëses, vjedhin duhan dhe para

    Protothema.gr ka publikuar një video-dokument të një grabitjeje me armë të ndodhur në orët e para të së mërkurës, në një kafene në perëndim të Selanikut.

    Sipas informacioneve, gjithçka ka ndodhur pak pas orës 4 të mëngjesit kur dy burra të veshur me të zeza, me tiparet e fytyrës të mbuluara, kanë hyrë në dyqanin që ndodhet në zonën e Menemenit dhe janë hedhur mbi banakun e lokalit.

    Me lëvizje të shpejta, pasi e dinin se po regjistroheshin nga kamerat e sigurisë së kompanisë, njëri filloi të mbushte një qese me produkte duhani, ndërsa bashkëpunëtori i tij i drejtoi punonjësit në kokë një pistoletë dhe i kërkoi të zbrazte paratë nga kasa.

    Sipas pronarit të biznesit, autorët kanë marrë gjithsej 3000 euro cash dhe produkte duhani dhe më pas janë larguar.

  • Shqiptari kapet me 4 kg kokainë dhe 55 mijë euro në Itali

    Shqiptari kapet me 4 kg kokainë dhe 55 mijë euro në Itali

    Një shtetas shqiptar është arrestuar dhe një tjetër bashkatdhetar i tij ndoqët në gjendje të lirë, pas sekuestrimit të mbi 4 kg kokainë dhe 55 mijë euro cash. Droga ishte gati për t’u hedhur në tregun e paligjshëm të kryeqytetit italian.

    Kontrollo nga policia italiane u zhvillua në qytetin e Rovigos pranë banesës së njërit prej dy të dyshuarve, të cilët të dy u bllokuan teksa dilnin nga shtëpia.

    Gjatë kontrollit, i arrestuari kishte me vete rreth 260 gramë kokainë. Dhe kështu oficerët vendosën të kontrollonin edhe banesën e tij. Më shumë kokainë me peshë pak më pak se 4 kg u gjet në banesën e shpërndarësit të drogës, tashmë e ndarë dhe e paketuar gati për shitje. Të fshehura brenda njërës prej grilave u zbuluan edhe 55 mijë euro cash.

    Shqiptari, banues në shtëpinë e kontrolluar, u arrestua për veprën penale të posedimit të lëndës narkotike për qëllime trafiku. Tani, ai ndodhet në burgun në Rovigo dhe arrestimi është vërtetuar.

  • “E ke personale me mua”, debat i ashpër mes Rozës dhe Romeos: Ti je e zezë, njeri i keq

    “E ke personale me mua”, debat i ashpër mes Rozës dhe Romeos: Ti je e zezë, njeri i keq

    Spektakli i “BBV3” ka vetëm 5 ditë që ka filluar, por mesa duket banorët që tani kanë filluar të krijojnë miqësitë dhe konfliktet e para. Pas debatit të bujshëm që zhvilloi me Merin ditën e djeshme, sot Roza ka debatuar edhe me Romeon. Romeo duket se është acaruar pasi Roza e ka pyetur në lidhje me Donaldin.

    Debati mes tyre vijon me tone të larta ku Roza nënkupton se ai është i favorizuar brenda në shtëpi.

    Ai e ka cilësuar njeri të keq, ndërsa Roza nuk ka lënë pa e replikur.

    Diskutimi:

    Roza: Është një lojë. Mos e merr personale. Është lojë.

    Romeo: Si pse e marr personale? Me mua s’ke lojë. Me mua e ke personale direkt. Jo ti, po që të gjithë këtu.

    Roza: Kije personale sa të duash. Sa i ke ti këmbët e ngulura me rrënjë të ngulura në tokë aq i kemi edhe ne.

    Romeo: Për ça e thua këtë? Për ça? Jam i brendshëm unë? Këtu do të dalësh? Kaq e keqe je o zemra? Kaq e keqe je? Ti je e zezë! Je super e zezë! Ik o njeri i zi!