Deputeti i PD, Belind Këlliçi ka folur në Kuvend në lidhje me buxhetin e 2023. Ai u bëri thirrje qytetarëve që të kthejnë vëmendjen te qytetarët.
Kai tha se situata ekonomike është e rëndë dhe se qytetarët e kanë të vështirë të përballojnë jetesën. Ndër të tjera ai hodha akuza duke thënë se qeveria po zbraz vendin për të mbushur xhepat.
“Pse anashkalohen propozimet e grupeve të interesit? Pse nuk dëgjohen ekspertët kur thonë që paketa fiskale e propozuar është jofunksionale. Prej vitit 2013 ju e rrëzuat parlamentarizmin shqiptar. Kemi sot një kryeministër që është kampioni i banalitetit të vendit. Flet për dyfishim të buxhetit sepse janë dyfishuar çmimet. Pse nuk dyfishohen pagat dhe pensionet. Çmimet do të vazhdojnë të rriten, 3.2% më shumë kurse pensioni juaj qameti do të rritet me 1%.
Dua të di pse anashkalohet grupet e interesit. Problemet po i shtohen vendit dita ditës, në fakt dhe seanca është formale, i keni gati kartonat, a jeni deputetë apo vetëm numra?!
Kjo shfaqje e djeshme e bariut tuaj, me ofendime, ka një motiv që të heqë vëmendjen. Keni zbrazur vendin për të mbushur xhepat tuaj. Ka ardhur koha që kjo qeveri për herë të parë ta ketë vëmendjen tek qytetarët”, tha ai.
