Kreu i Grupit Parlamentar të Partisë Demokratike Gazment Bardhi ka reaguar në lidhje me postimin e kryeministrit Rama për burgosjen e Ervin Salianjit. Bardhi shprehet se halli i Ramës është Olsi Rama dhe jo drejtësia.
“Fushata e egër e Edi Ramës për dënimin politik të Ervin Salianjit nga disa gjyqtarë hallexhinj s’ka të bëjë me drejtësinë. Ai po bën çfarë mundet për të ndikuar në hetimin e vëllait të tij dhe për të penguar të vërtetën e përfshirjes së Olsi Ramës me trafikantët ndërkomëbtarë të kokainës në Xibrakë”, shkruan Bardhi.
Ai thotë që me këto fushata shpifjes, sulmesh dhe dhune ndaj opozitës, Rama ka mbrojtur çdokënd dhe çdo gjë që i rrezikonte pushtetin e vet.
“Ervin Salianji nuk e ka sajuar që vëllai i Ministrit të Brendshëm të Edi Ramës ishte një trafikant i dënuar droge në Itali dhe qendronte i qetë në Shqipëri, pa kryer dënimin, nën mbrojtjen politike të qeverisë së Edi Ramës. Ka diçka për të thënë për këtë Edi Rama?
Ervin Salianji u bë zëri publik i një denoncimi të ardhur në Partinë Demokratike se vëllai trafikant i Ministrit të Brendshëm të Edi Ramës vazhdonte i qetë aktivitetin e paligjshëm të trafikut të drogës.”, shkruan Bardhi.
