Brendon Saporito, një shtetas amerikan, ka ndëruar jetë sot në IEVP Shkodër, pasi u gjet i varur në dhomën e tij. Ai ishte në paraburgim për vrasjen e partneres së tij, Sandra Saporito, e cila humbi jetën disa muaj më parë në Shkodër. Bashkëvuajtësit e Saporitos e zbuluan trupin e tij dhe njoftuan menjëherë punonjësit e institucionit.
Pavarësisht ndërhyrjes së shpejtë nga stafi mjekësor në Spitalin e Koplikut, ai nuk arriti të mbijetojë. Saporito ishte arrestuar më 2 maj për akuzën e vrasjes për shkak të marrëdhënieve familjare dhe ishte dërguar në IEVP Shkodër më 4 maj 2025, pas vendimit të Gjykatës Shkallës Parë Shkodër për masën e sigurisë “Arrest në burg”.
Ky rast tronditës ngre shqetësime mbi ndodhitë në institucionet e burgjeve dhe menaxhimin e të paraburgosurve. Investigimet për rrethanat e vetëvrasjes së tij pritet të vazhdojnë për të sqaruar situatën e ndodhur.
