Një tjetër ekip i “Premier League” interesohet për sulmuesin e talentuar shqiptar Armando Broja.
Sipas medieve britanike, West Ham është interesuar për shërbimet e futbollistit shqiptar, megjithatë nuk janë të vetmit. Në garë për Brojën janë edhe disa ekipe të tjera.
Interesimi për sulmuesin 21-vjeçar duket se është rritur së tepërmi pasi blutë e Londrës blenë sulmuesin Nicolas Jackson nga Vijareali, çka do të thotë më pak hapësira për Brojën në fushën e blertë.
Sipas TEAMtalk, përveç West Ham, janë edhe disa ekipe të tjera të interesuara për të.
“TEAMtalk mëson se përfaqësuesit e Brojës janë të interesuar për negociata me ekipet e tjera. West Ham, Crystal Palace, Brentford dhe Burnley janë ndër ekipet e interesuara për 21-vjeçarin. Nuk përjashtohet mundësia e huazimit, por një lëvizje e përhershme do të ishte e pëlqyeshme si për të edhe për Chelsea”, shkruajnë mediat britanike.
