Mbretëria e Bashkuar ka mohuar pretendimet e Izraelit që Irani ka kapacitete raketore për të sulmuar territorin britanik. Ministri britanik Steve Reed theksoi se nuk ka asnjë vlerësim konkret që tregon se Irani mund të godasë Londrën ose ndonjë qytet tjetër britanik. Ai sqaroi se Mbretëria e Bashkuar është plotësisht e aftë të mbrojë interesat e saj si brenda ashtu edhe jashtë vendit dhe se nuk planifikon të përfshihet në ndonjë konflikt me Iranin.
Reagimi i Reed-it vjen pas një deklarate të Forcave Izraelite, që pretenduan se Irani ka zhvilluar ose planifikon të zhvillojë raketat me rreze deri në 4,000 kilometra, në gjendje për të arritur qytete si Londra, Parisi dhe Berlini. Kryeministri izraelit Benjamin Netanyahu ka shprehur bindjen se Irani paraqet një kërcënim global, duke sugjeruar se këto kapacitete do t’i lejonin të godisnin thellë në Evropë.
Sidoqoftë, vlerësimet e njohura publikisht tregojnë se raketat më të avancuara të Iranit kanë një rreze maksimumi prej rreth 2,000 kilometrash, një distancë që nuk arrin të përfshijë Mbretërinë e Bashkuar. Edhe autoritetet iraniane kanë konfirmuar se e kanë kufizuar qëllimisht rrezën e raketave të tyre.
Këto deklarata ngrenë pyetje për sa u takon vlerësimeve dhe informacionit të ndarë mes vendeve, duke e tërhequr vëmendjen mbi objektivat strategjike dhe interpretimet që i bëhen situatës në Lindjen e Mesme. Tensionet mes Izraelit dhe Iranit vazhdojnë të rriten, por Britania duket e vendosur në të qënit e përkushtuar për mbrojtjen e saj dhe duke mos u angazhuar në përplasje të drejtpërdrejta.
