Presidenti amerikan Donald Trump ka reaguar ashpër ndaj vendimit të Mbretërisë së Bashkuar për t’ia dorëzuar ishullin Diego Garcia Mauritiusit, duke e quajtur këtë veprim “budallallëk” dhe një kërcënim për sigurinë kombëtare të SHBA-ve. Në një postim të tij në rrjetin social Truth Social, Trump thekson se ishulli, i cili është vend i një baze ushtarake jetësore amerikane, po i jepet Mauritiusit “pa asnjë arsye”. Ai argumenton se Kina dhe Rusia do ta interpretojnë këtë si një shenjë dobësie nga njëra anë.
Trump shprehu gjithashtu shqetësimin se ky akt është një kërcënim për interesat amerikane në rajon. Ai e cilëson këtë si një “akt budallallëku të madh” dhe sugjeron se kjo situatë është një arsye tjetër për të diskutuar blerjen e Groenlandës. Presidenti amerikan bëri thirrje që Danimarka dhe aleatët evropianë të “bëjnë gjënë e duhur”, duke përmendur rëndësinë strategjike të ishullit Diego Garcia për mbrojtjen e SHBA-ve.
Kujtojmë se vitin e kaluar, Trump kishte shprehur mbështetje për Marrëveshjen e Mbretërisë së Bashkuar për sovranitetin mbi Ishujt Chagos, ku bën pjesë edhe Diego Garcia. Megjithatë, reagimi i tij i fundit tregon shqetësimin e tij në lidhje me ndikimin ndërkombëtar të këtij vendimi dhe se si ai mund të ndihmojë në forcimin e poziciones së disa vendeve si Kina dhe Rusia në rajon.
