Dy persona nga Brazili janë arrestuar nën akuzën e shfrytëzimit të prostitucionit në një operacion të policisë të quajtur “Daily rent”. I arrestuari kryesor është një burri 25-vjeçar, i cili menaxhon një aktivitet prostitucioni duke shfrytëzuar një grua 24-vjeçare, edhe ajo braziliane. Në momentin e arrestimit, policia sekuestroi një shumë parash e cila dyshohet se është përfituar nga kjo veprimtari e paligjshme.
Arrestimet u realizuan në një banesë që burri e kishte marrë me qira për të ushtruar aktivitetin e paligjshëm, në bulevardin “Zogu i Parë”. Gjatë kësaj ndërhyrjeje, përveç të dyshuarve kryesorë, u identifikuan edhe dy persona të tjerë, R. P. dhe E. K., të cilët janë proceduar penalisht për lidhje me këtë çështje.
Materialet e këtij rasti tani i janë dorëzuar Prokurorisë pranë Gjykatës së Shkallës së Parë në Tiranë për hetime të mëtejshme. Policia vazhdon hetimet për të zbardhur më tej këtë rast dhe për të identifikuar të tjera të involvuar, në kuadër të luftës ndaj kriminalitetit të organizuar dhe shfrytëzimit të individëve për qëllime prostitucioni.
