Kryeprokurori i ri i SPAK, Klodian Brau, u takua sot me ambasadorin Michel Tarran, kryetar i Prezencës së OSBE-së në Shqipëri. Gjatë këtij takimi, ambasadori Tarran e përgëzoi Brahon për emërimin në një rol kaq të rëndësishëm dhe sfidues, duke i uruar suksese në detyrë.
Ambasadori theksoi mbështetje të fortë për SPAK-un dhe rolin e tij kyç në procesin e reformës në drejtësi, duke e konsideruar të rëndësishëm për forcimin e shtetit të së drejtës dhe rritjen e besimit të publikut mbi institucionet demokratike në Shqipëri. Gjatë bisedës, ata diskutuan mbi bashkëpunimin aktual dhe të ardhshëm ndërmjet Prezencës së OSBE-së dhe SPAK-ut, duke përfshirë mbështetje për rritjen e kapaciteteve, këshillimin për politika dhe shkëmbimin e praktikave më të mira ndërkombëtare.
Kryetari i Prezencës ritheksoi angazhimin e OSBE-së për të mbështetur institucionet e drejtësisë dhe mirëpriti pikëpamjet e Brahon mbi mënyrat për të forcuar bashkëpunimin në luftën kundër korrupsionit dhe krimit të organizuar.
