Ambasada e Shteteve të Bashkuara në Tiranë ka njoftuar se po ofron udhëtime të sigurta për sportdashësit që dëshirojnë të udhëtojnë në SHBA për të ndjekur Botërorin 2026. Në një postim të publikuar në Instagram, Ambasada theksoi se është gati për të trajtuar aplikimet për viza dhe i inkurajoi udhëtarët që të aplikojnë për vizat amerikane sa më shpejt që të jetë e mundur.
“Në kuadër të Kupës së Botës FIFA 26™, Shtetet e Bashkuara po mundësojnë udhëtime të mbrojtura për sportdashësit ndërkombëtarë. Jemi të përgatitur për të përpunuar aplikimet për vizat e vizitorëve dhe ju inkurajojmë të aplikoni TANI!”, u shpreh Ambasada.
Kjo iniciativë vjen në një kohë kur shumë individë po planifikojnë të udhëtojnë për të ndjekur ngjarjet sportive. Ambasada theksoi rëndësinë e aplikimit të shpejtë për vizat, duke sugjeruar se kjo do të lehtësojë procesin dhe do t’i garantonte sportdashësve mundësi më të mira për të siguruar hyrjen në vend gjatë një periudhe të rëndësishme sportive.
Me këtë njoftim, SHBA tregon angazhimin e saj për të mirëpritur sportdashësit e huaj gjatë një nga ngjarjeve më të mëdha sportive në botë.
