Sipas bluve, 38-vjeçari Kliton Sulce, i prezantuar nga mediat si bossi i call centarev në Tiranë ka goditur me grushte dhe ka kërcënuar 19-vjeçarin, i cili ndodhet në spital nën kujdesin e mjekëve.
Ndërkohë ende nuk janë identifikuar dhe kapur personat e tjerë të përfshirë në dhunimin e Kristi Fufit, ngjarje e ndodhur në një rezidencë në Farkë mbrëmjen e së premtes (25 Prill).
“Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasin K. S., 38 vjeç, pasi mbremjen e djeshme, në një rezidencë, në Farkë, dyshohet se ka goditur me grushte dhe ka kanosur 19-vjeçarin K. F., i cili ndodhet në spital, nën kujdesin e mjekëve. Vijon puna për identifikimin dhe për kapjen e shtetasve të tjerë të përfshirë në konflikt”, njoftoi policia.
Dinamika
Sipas burimeve policore, kanë qenë disa persona me makinë që kanë mbërritur në lokalin ku po qëndronte Krist Fufi.
Ata kanë marrë shkopinj e sende te forta nga bagazhi i automjetit së tyre dhe kanë sulmuar 19-vjeçarin.
Sapo kanë mbërritur agresorët nuk e kanë gjetur të riun dhe kanë hyrë edhe brenda lokalit duke e kërkuar derisa e kanë gjetur dhe e kanë dhunuar.
Dyshohet se një prej agresorëve ka pasur edhe një armë zjarri në dorë por nuk ka qëlluar.
I riu i dhunuar ka marrë dëmtime në kokë dhe trup.
Sherri pas xhirimit të gomave
Mësohet se Kristi Fufi 19 vjeç ka pasur një ‘fërkim’ me autorët përpara se të futej në lokalin që ndodhet në një prej zonave më luksoze të Tiranës, “Long Hill Residence”, në Lundër. Ai ka xhiruar gomat e makinës së tij para tyre dhe për rrjedhojë, ata kanë dashur të marrin hak. Autorët u futën në residence të pajisur me leva dhe shkopa bejsbolli me qëllim rrahjen e të Fufit. Një prej tyre dyshohet se ka qenë i armatosur megjithatë nuk janë raportuar të shtëna me armë. 19-vjeçari është dërguar në Spitalin e Traumës për shkak të frakturave që ka marrë në pjesë të mdryshme të trupit. Policia ka njoftuar se një prej autorëve është identifikuar dhe po hetohet në gjendje të lirë, ndërsa po punohet për të zbardhur identitetet e të tjerëve. /panorama
