Kryetari i Partisë Demokratike, Sali Berisha shprehet për median italiane ‘La Presse’ se marrëveshja Romë-Tiranë ka probleme serioze ligjore. Sipas tij, Edi Rama do të mbrohet duke thënë se kjo nuk ka lidhje me vendin e tij.
“Unë e kam kundërshtuar këtë marrëveshje që në fillim për arsyen kryesore dhe të vetme: problemet e pamohueshme ligjore që lindin në raste të ngjashme, që kanë të bëjnë me të drejtat e njeriut. Vendimi i Gjykatës së Romës është padyshim një problem serioz.
Për sa i përket pasojave të këtij vendimi për Edi Ramën, ky i fundit është aktualisht kampion i blofit në Europë dhe më gjerë. Tani do të mbrohet dhe do të thotë se kjo nuk ka të bëjë me Shqipërinë, por me Italinë”, tha Berisha.
