Ish-kryeministri britanik Boris Johnson ka pranuar se ka mashtruar Parlamentin e Britanisë, lidhur me festat që thyenin rregullat gjatë periudhës së Covid-it, por theksoi se nuk e bëri me qëllim.
Në dosjen e mbrojtjes prej 52 faqesh, Johnson thotë se garancitë e tij për deputetët se rregullat e bllokimit ishin ndjekur u bënë me “mirëbesim”. Ish-kryeministri është bërë pjesë e një skandali të qujatur “Partygate” pasi ka zhvilluar disa festa gjatë periudhës së pandemisë.
Ish-kryeministri përballet me pezullimin apo edhe përjashtimin nga Parlamenti, nëse deputetët vendosin se ai i ka mashtruar qëllimisht, ndërsa pritet të dalë para Komitetit të privilegjeve nesër në një seancë dëgjimore televizive. Në dokumentin e tij të mbrojtjes Johnson thekson se ai nuk kishte mashtruar “me dashje ” deputetët dhe “nuk do donte ta bënte këtë”.
