Në fund të këtij viti, pensionistët do të përfitojnë një bonus më të madh nga qeveria, duke u dedikuar 5.9 miliardë lekë për rreth 756 mijë individë në muajin dhjetor. Ky bonus do të shpërndahet sipas fashave të miratuara që nga një vit më parë. Sipas qeverisë, ky shpërblim ka për qëllim përmirësimin e kushteve të jetesës për pensionistët, një kategori që konsiderohet vulnerabël. Rritja e masës së përfitimit është një shenjë e vëmendjes si dhe shqetësimeve të institucioneve ndaj nevojave të kësaj shtrese.
Fondet për bonusin janë parashikuar në ndryshimet e buxhetit të shtetit, të dokumentuara në një akt normativ të depozituar në Kuvend. Ky rregullim buxhetor erdhi pas ndryshimeve në kabinetin e ri të qeverisë dhe ristrukturimit të institucioneve. Buxheti pësoi rritje dhe për disa struktura të tjera, si Ministria e Infrastrukturës dhe Energjisë, e cila do të marrë rreth 60 milionë euro shtesë për avancimin e projekteve të infrastrukturës, përfshirë ato rrugore dhe hekurudhore.
Po ashtu, janë planifikuar shtesa për Ministrinë e Drejtësisë dhe atë të Bujqësisë, ky e fundit për programin e ujitjes. Në nivelin e vetëqeverisjes vendore, janë rritur transfertat e pakushtëzuara, përfshirë ato për mbrojtjen nga zjarri dhe për disa bashki që kanë patur të ardhura të pamjaftueshme.
Pas këtyre ndryshimeve, parashikohet që të ardhurat e buxhetit të arrijnë në 770 milionë lekë (ose 7.7 miliardë euro), ndërsa shpenzimet do të rriten në 831 miliardë lekë (ose 8.3 miliardë euro). Vendimet e marra do të hyjnë menjëherë në fuqi pas publikimit të aktit normativ në Fletoren Zyrtare.
