Ange Yoan Bonny po shkëlqen këtë sezon me Interin, duke pasur një ndikim të rëndësishëm në skuadër pas transferimit nga Parma. Në një intervistë për ‘La Gazzetta Dello Sport’, Bonny ndau përvojat e tij dhe një ‘profeci’ nga mbrojtësi Bastoni, i cili në ndeshjen Parma-Inter sezonin e kaluar i kishte thënë: “Vitin tjetër ti vjen te ne.”
Gjatë katër muajve me Interin, Bonny ka shënuar katër gola dhe ka regjistruar katër asistë në kampionat. Ai theksoi se ndihet mirë në klubin zikaltrit, pavarësisht kërkesave të larta që ai parashtron. “Interi është një klub që kërkon gjithnjë më shumë, por unë po mësoj,” tha Bonny.
Bonny vlerësoi trajnerin Cristian Chivu, duke e konsideruar shumë të rëndësishëm për zhvillimin e tij. Ai përshkroi Chivun si një person të vërtetë që e inkurajon të jetë i disponueshëm për ekipin dhe të luajë për grupin. Po ashtu, ai përmendi kapitenin Lautaro Martinez dhe Marcus Thuram, nga të cilët po mëson shumë. Bonny shprehu admirimin e tij për Martinez, duke thënë se dëshiron të kishte po aq urinë për gol si ai, dhe e përshkroi Thuram si një lojtar të kompletuar.
Në prag të derbit të Madonninës, që do të zhvillohet më 23 nëntor, Bonny e krahasoi këtë përballje me ‘El Clasico’ në Spanjë, duke theksuar rëndësinë e saj. Ai shpreson që Interi të dalë fitues dhe e sheh ndeshjen si një mundësi për të fituar pikë të çmuara jo vetëm ndaj Milanit, por edhe ndaj skuadrave të tjera për titull.
Bonny e di se derbi është një mundësi për t’u avancuar në renditje, por gjithashtu nënvizon se është vetëm nëntori dhe shumë gjëra mund të ndodhin në vazhdim. Në përfundim, ai theksoi se fitoret në derbi kanë një rëndësi të veçantë e cila shkakton një atmosferë të veçantë në qytet.
