Në gjithë vendin ka nisur këtë të hënë viti i ri akademik, me një pjesë të pedagogëve që janë në bojkot, duke kërkuar ritje të pagës.
Pedagogët e Universitetit të Tiranës kanë nisur prej kohësh protestat, teksa nuk kanë qenë dakord me rritjen 7% të propozuar nga qeveria.
Ata kanë lajmëruar se ë orët 10:00 me 12:00 të paradites do të mblidhen për të bojkotuar mësimin, në shenjë proteste për kërkesat e tyre.
Në universitetin “Ismail Qemali” në Vlorë ky vit ka nisur me afro 55% të kuotave të regjistrimit të plotësuara, mesatarja më e ulët e studentëve në programet e studimit.
Degë si mësuesia, fizika, matematika dhe kimia janë në kuotat minimale dhe rrezikojnë ende mbylljen.
Situatë e ngjashme edhe në Universitetin e Elbasanit, ku nga 2573 kuota janë plotësuar vetëm 1435.
Pedagogët e Universitetit “Aleksandër Xhuvani” në orën 10:15 do të mblidhen në Fakultetin Ekonomik dhe Qendror për të kërkuar rritje të pagës.
Në universitetin “Luigj Gurakuqi” të Shkodrës janë regjistruar 950 studentë, ndërsa në total janë rreth 5 mijë në të gjitha nivelet. Këtë vit asnjë program nuk është mbyllur.
Rektorja e universitetit, Suzana Golemi ka deklaruar se mbështet fuqishëm protestën e pedagogëve dhe ka theksuar se nuk ndo të merret vasnjë masë ndaj atyre që bojkotojnë mësimin.
