Gazetarja e kronikës, Dorjana Bezat ka dhënë detaje të reja rreth vrasjes së 50-vjeçarit Pëllum Meta në Shënavlash të Durrësit, për të cilin akuzohen si autorë dy fëmijët e tij, Hygerta dhe Hysen Meta, ndërsa djali i vogël Amarildo Meta dhe bashkëshortja e viktimës, Blerina Meta dyshohen se kanë bashkëpunuar për të zhdukur gjurmët.
E ftuar në emisionin “Top Story”, Bezat tha se dhe vajza e madhe e viktimës, po përballet me shkatërrimin e familjes, pasi bashkëshorti po e gjykon mbi ngjarjet e të ëmës Blerinës dhe gjyshes së saj, Sanije Tuga, duke i konsideruar si gra që vrasin. Ajo tha se Blerinën e kishte abandonuar dhe i gjithë fshati duke e lënë vetëm.
“Shkova për të takuar Blerinën pastaj dhe njerëzit e saj për ta pyetur më imtësisht a ka përjetuar dhunë, Ajo ndodhej në ambientet e paraburgimit për të çuar veshje dhe ushqim fëmijët, dhe në shtëpi ishte vetëm nëna e saj. Kishte kushte nën minimale jetese, fshati i kishte abandonuar. Porta me ngjyrë të zezë i kishte shënuar edhe fatin e tyre, banorët më tregonin historitë e tyre ndër vite. Vajza e madhe po përballet me shkatërrimin e familjes së saj. Nuk flitej për vdekjen e vjehrrës, nuk kishte pendesë. Nuk kishte as pendesë për vrasjen e pPëllumbit. Ajo jetë ishte harruar, nuk ekzistonte. Në atë ambient jetojnë sot Blerina dhe e bija e Blerinës, sepse bashkëshorti po e gjykon për historinë e gjyshes dhe nënës. Ju jeni gra që vrisni dhe nuk mund të jeni në familje. Vajza i ka folur nënës, bashkëshorti ishte kundër.” – tha Dorjana Bezat.
Gazetarja tregon dhe mbi sjelljet e habitshme të Sanije Tugës, nëna e Blerinës, e cila në vitin 2010 ka vrarë vjehrrën e saj, krim për të cilën nuk ka treguar aspak pendesë. Sipas saj, ajo e quante të normalizuar vrasjen, pasi e kishte pyetur gazetaren se pse erdhi “se nuk është gjë e madhe”.
Dorjana Bezat tregoi se nëna e Blerinës pretendonte se kunatat i vrisnin fëmijët apo se vjehrra ia hante që në lindje, teksa pretendonte gjithashtu se e tradhtonte edhe bashkëshorti edhe pse e kishte 80 vjeç. Të njëjtin pretendim sipas gazetares e pretendonte edhe Blerina Meta për bashkëshortin e saj.
“Më bëri përshtypje kur relativizonte vdekjen. Pse erdhe tha, se nuk është gjë e madhe, dhe unë bëra krim në 2010 dhe s’erdhi njëri këtu. Normale është. Në sy të protagonistëve është normale dhe kjo vijon. Pëllumbi nuk ka vdekur thoshte, nuk pranonte të kishte vdekur dhe vjehrra e saj. Nxori vetëm disa pika gjak tha dhe hiqej sikur kishte vdekur. Gjyshi thoshte nëse janë autorë, gjykata t’i ndëshkojë. Që në karakterin e saj të hershëm, vrasje fëmijësh, makrabitete, ngjarje të viteve 80’, pretendonte që kunatat i kishin vrarë dy vajza, që vjehrra i hante fëmijët sapo i lindte. Burri i saj ishte 80 vjeç dhe thoshte se e tradhtonte. Këto karakteristika i kishte edhe Blernia, edhe prentendonte se Pllumbi e tradhtonte. Gjyshi thoshte nëse janë autorë, gjykata t’i ndëshkojë.” -tregoi gazetarja Bezat.
