Belinda Dragoti tek E Diell ka treguar se suksesin e saj më të madh e ka patur “Rrethi Katror”, ku është pjesë e panelit.
Së fundmi ajo ka bërë dhe një film i cili ishte i suksesshëm, por gjithsesi sipas saj ajo që po ndikon në karrierën dhe profesionalizmin e saj është “Rrethi Katror”. Bledi Mane ka ndërhyrë gjatë fjalës së saj dhe i tregon Manushit se ajo është ndaluar nga Erion Braçe në oborrin e Top Channel dhe e ka pyetur “pse i ka shtrirë flokët”.
Ed Manushi: Ti sapo prodhove një film të suksesshëm dhe je pjesë e “Rrethit Katror”. Ku sheh më shumë sukses t’i Belinda sot?
Belinda: Filmin nuk e prodhova unë, isha vetëm pjesë e filmit dhe nuk mund ta shoh si produkt timin. Ka patur shumë sukses, por është një projekt që xhirohet vetëm një herë dhe përfundon. Kurse “Rrethi Katror” është një gjë që unë jam e angazhuar çdo javë. Fakti që për moshën që kam 23 vjeç dhe jam në panel me njerëz që kanë më shumë eksperiencë dhe vite mbi supe sesa unë dhe kam një zë të brezit tim, për mua është një formë e suksesit që tregon këtë anën time tjetër.
Bledi Mane: Erion Braçe i tha në oborrin e Top Channel që pse ke shtrirë flokët?
Belinda: Por look-un e ndryshoj unë.
