Në Gramsh përfundoi procesi i vlerësimit të dëmeve pas zjarrit të 11 Gushtit, i cili shkrumboi disa fshatra në zonë. Një faturë prej rreth 31 milionë euro është dërguar në Agjencinë Kombëtare të Mbrojtjes Civile për të filluar ndërhyrjet e nevojshme.
Grupet e punës, të angazhuara për ditë të tëra në evidentimin e dëmeve, raportojnë për 68 shtëpi të djegura, prej të cilave 10 janë shkatërruar plotësisht, ndërsa 42 pjesërisht. Zyra e urbanistikës në Bashkinë e Gramshit është përgjegjëse për hartimin e projekteve të rindërtimit dhe rikonstruksionit.
Bilanci i dëmeve përfshin gjithashtu përllogaritjen e dëmeve në bagëti, të mbjella, stallat dhe pyjet. Nga zjarri që preku fshtrat e Njësisë Skëndërbegas dhe disa njësive të tjera, sbashku me bagëtitë, humbën jetën 215 bagëti të imta, 9 gjedh dhe 7 njëthundrakë.
Gjithashtu, zjarri shkrumboi 44.045 hektarë ullinj, 11.028 hektarë rrush, 1.451 hektarë bimë medicinale, si dhe 9.5 hektarë pemë frutore dhe arrorë. Këto dëme prodhojnë një pasojë të rëndë për komunitetin lokal dhe shtrijnë nevojën për mbështetje të menjëhershme.
