Beteja për kontrollin e Senatit dhe Dhomës së Përfaqësuesve është ende e paqartë. Të gjithë sytë janë te Arizona dhe Nevada, ndërsa kandidatët në Gjeorgji do të gjykohen në balotazh më 6 dhjetor.
Mediat e huaja bëjnë me dije se ka ende të paktën 400,000 vota të pa numëruara në Maricopa County, Arizona.
Demokrati John Fetterman fitoi zgjedhjet për në Senat në Pensilvani që më parë mbahej nga republikanët. Gara për vendin në Senat në shtetin e Xhorxhias midis senatorit demokrat Raphael Ëarnock dhe republikanit Herschel Ëalker do të shkojë në balotazh më 6 dhjetor.
Sakaq, presidenti amerikan Joe Biden i quajti zgjedhjet afatmesme një “ditë të mirë për Amerikën”, pasi jo vetëm që nuk u konfirmuan parashikimet për një fitore gjithëpërfshirëse të republikanëve, por ka ende shpresë që demokratët të ruajnë shumicën e tyre në Senati.
Ai u zotua të punojë me republikanët teksa tha, “Unë nuk do të lejoj politika që çojnë në inflacion më të lartë, përkeqësim të mëtejshëm të ndryshimeve klimatike ose akumulimin e më shumë pasurisë në klasën e lartë të të ardhurave”.
“Demokracia jonë është testuar vitet e fundit, por amerikanët kanë folur me votat e tyre. Nuk i dimë ende të gjitha rezultatet, por jam optimist. Votuesit kanë shfaqur shqetësimet e tyre.
Dje patëm zgjedhje dhe është një ditë e mirë për Republikën. Edhe pse nuk i dimë ende rezultatet nga të gjitha shtetet, më duhet t’ju them se “vala e kuqe” famëkeqe nuk erdhi kurrë. Por ishte gjithashtu një ditë e fortë për demokratët”, tha Biden.
