Besimtarët ortodoks kanë kremtuar Pashkën e madhe në disa qytete të Shqipërisë. Në Vlorë, ceremonia u zhvillua në kishën Shën Theodhori, ku qindra besimtarë iu bashkuan meshës së drejtuar nga At Kostandin Prifti. Atmosfera festive u ndje gjatë meshës, e cila shënoi ringjalljen e Krishtit, dhe besimtarët morën zjarrin e kishës për ta çuar në shtëpitë e tyre. At Kostandini theksoi rëndësinë e shmangies së konflikteve dhe dhënies së mirësi njëri-tjetrit.
Në Dhërmi, Pashka u festua me një organizim të veçantë që përfshinte festivalin e dronëve dhe fishekzjarrëve, duke tërhequr qindra besimtarë. Edhe në Shkodër, besimtarët morën pjesë në vigjiljen e Pashkës, ku At Nikolla Petani lutet për paqe dhe dashuri ndërmjet njerëzve.
Në Berat, besimtarët përjetuan shpalljen e mesazhit “Krishti u ngjall! Vërtet u ngjall!” në katedralen Shën Dhimitrit, nën drejtimin e Mitropolitit Imzot Asti. Ceremonia përfshinte lutje për paqe dhe mirëqenie, dhe momentin e dritës së shenjtë, ku besimtarët ndezën qirinjtë nga flaka e bekuar, simbolizues i dritës hyjnore.
Në Gjirokastër, Mitropoliti Nathanaili drejtoi shërbesën fetare në katedralen “Ngjallja e Krishtit”, ku besimtarët ndezën qirinj dhe shpërndanë dritën e shenjtë, duke përcjellë mesazhe paqeje dhe shprese.
Pashka mbetet një nga festat më të rëndësishme për besimtarët ortodoksë, duke sjellë mesazhe shprese dhe ripërtëritje shpirtërore.
