Ish-kryeministri Sali Berisha, mbrëmjen e sotme ështën dalur te protesta e 12 Nëntorit për të cilën tha se do të jetë madhështore.
Ai tha se perceptimi i ndarjes së PD në dy pjesë është një skemë e imponuar nga kryeministri Edi Rama.
Ndërkohë, sa i përket regjistrimit të PD të drejtuar nga ai në KQZ, Berisha tregoi dhe se si do të veprojë për të regjistruar PD për zgjedhjet lokale.
“Ka një parti, nuk jemi dy pjesë. Një skemë e imponuar nga Rama nuk është PD. PD ka një përputhje të plotë me kushtetutën e saj ka përmbushur të gjitha standardet. Ka një grup, por nuk mund të quhet pjesë tjetër e PD, është një grup në PD dhe janë pjesë e PD janë të ftuar të kontribuojnë si deputetët. Ka një kushtetutë, ajo kushtetutë u jep të drejtë deputetëve dhe anëtarëve të kandidojnë në primare dhe të krijojnë fraksione brenda nëse nuk janë dakord me kryetarin. Realiteti është se ka një parti me forumet e zgjedhura nga baza deri në krye.
KQZ është i detyruar të njohë partinë e regjistruar më 25 mars me vendim të gjykatës së Tiranës. Rama ka përpjekje për të konfiskuar flamurin e PD. PD do bëj gjithçka për të çliruar flamurin dhe ne do qëndrojmë kundër tij. Ne do paraqesim vendimin e gjykatës në KQZ. Është në tagrin e këtij komisionit të vendos në përputhje me ligjin ose të bëhet vegël e Edi Ramës”,-tha Berisha.
