Ish-kryeministri Sali Berisha ka shkuar për ngushëllim në familjen e 32 vjeçarit Lear Kurti, i cili humbi jetën mbrëmjen e djeshme, pasi u shoqërua në komisariatin nr.3 në Tiranë. Lajmi u konfirmua më herët nga zyra e shtypit të Berishës.
“Kryetari i PD Sali Berisha është nisur për ngushëllim në familjen e të ndjerit Laer Kurti”, thuhej në njoftim.
Lear Kurti ndërroi jetë mbrëmjen e djeshme, pas shfaqjes së problemeve shëndetësore, pasi u shoqërua nga Policia në komisariatin nr.3 në Tiranë, teksa ky i fundit nuk i ndaloi shenjës së patrullës duke u përpjekur që të largohet.
Më pas efektivët kanë shoqëruar të riun në komisariat, ku ai ndërroi jetë.
Sipas Prokurorisë dhe Agjencisë së Mbikëqyrjes Policore në stomakun e viktimës është gjetur një qese e bardhë 5×5 centimetra, e çarë, dhe është dërguar për ekzaminim të mëtejshëm.
