Kreu i PD, Sali Berisha ka reaguar për ngjarjen e rëndë që u dhënua mbrëmjen e djeshme në Tiranë, ku një 32-vjeçar humbi jetën pasi u shoqërua një Komisariat nga policia.
Berisha me anë të një postimi në “Facebook” shkruan se “banditët me uniformë i morën jetën”. Ish-kryeministri publikon mesazhin e një qytetari dixhital, ku thuhet se viktima Laert Kurti u torturua në makinën e policisë dhe e dërguan pa ndjeja në komisariat.
Ai thotë se policia e çoi të vdekur në urgjencë, teksa i shpreh ngushëllime familjes së të riut.
Postimi i plotë i Berishës:
KRIM I SHËMTUAR!
Banditë me uniformë i marrin jetën të riut 32 vjeçar, Leart Kurti. Ata e torturuan shtazërisht në makinën e policisë dhe e dërguan pa ndjeja në komisariat. Vrasësit me uniformë e dërgojnë të vdekur në urgjencë. Shpreh ngushëllimet më të ndjera familjes dhe dënoj me ashpërsinë më të madhe krimin e shëmtuar të kriminelëve me uniformë të Edi Ramës dhe ministrit të familjes Çuçi.
Lexoni denoncimin e qytetarit dixhital.
Pershendetje Dr. Policia e droges i merr jeten nje tjeter te riu 32 vjecari i cili eshte ndjekur nga efektivet e droges me vrap dhe pasi e kane futur ne furgon me shume mundesi ai eshte goditur nga banditet me uniforme,ne momentin qe ka shkuar ke komisarjati nr 3 aty ai ka humbur ndjenjat. Sipas burimeve tona banditet qe i moren jeten djalit nuk lajmruam ambulancen sic e kerkon protokolli por e kane derguar me makinen e policise prane ambjenteve te Traumes! I riu quhet Laer Kurti!
