Përfshirja e Këlliçit në zgjedhjet e FRPD, Berisha mesazh të koduar nëpërmjet deputetëve dhe kryetarëve të degëve: Ndërhyrja në këtë proces e pafalshme për këdo!
Forumi Rinor i Partisë Demokratike ka çelur procesin zgjedhor për zgjedhjen e pasuesit të Belind Këlliçit në këtë post, mirëpo ndërhyrja e këtij të fundit për të lënë një pasardhës në karrigen e tij duket se ka nervozuar Kryetarin e Partisë Demokratike Sali Berisha i cili me anë të një mesazhi shpërndarë ditën e sotme në adresë të krerëve të degëve dhe grupit parlamentar në mënyre kategorike ndalon çdo lloj ndërhyrje në këtë proces, ku sipas tij është fatale për rininë demokrate dhe e pafalshme për këdo delirant që kërkon ta bëjë pis atë. Fushata për zgjedhjen e kreut të FRPD ka hyrë në muajin e fundit e duket se po nxehet pasi e para që ka hedhur akuza për përfshirjen e Belind Këlliçit në këtë garë ka qenë aktivistja republikane Evi Kokalari. Prej gati një viti Partia Demokratike ka qenë në njërën prej krizave më të rënda të ekzistencës së saj në këto 32 vite, por në këtë moment kritik a do ti vlente edhe lëmshi që Belind Këlliçi po i bën strukturës së rinisë demokrate me ndërhyrjet dhe skemat e tij që nga listat e deri tek grupet e punës në favor të njërit prej kandidatëve? A po kërkon Belind Këlliçi të bëhet kundrapedal dhe ti imponohet Sali Berishës me futjen nën sqetull të FRPD me një kandidat të sapo ardhur në PD? Gjithçka mbetet për tu parë se si do të vijojë.
Kandidatët për kreun e këtij forumi janë: Alesia Balliu, Arnold Kariqi, Artion Bajramaj, Barbara Doda, Besart Xhaferri dhe Mariglen Doçi.
Më poshtë mesazhi i kreut të PD Sali Berisha në adresë të grupit parlamentar dhe degëve:
“Miremengjes.
Me kete mesazh dua te theksoj se zgjedhjet per drejtuesit e forumit rinor jane te nje rendesie shume te veçant per PD per transparencen dhe ndershmerine e tyre.
Prandaj kerkoj nga te gjithe ju:
1-paanesi te plote nga ju dhe srtukturat drejtuese te degve te PD ne qedrimin ndaj kandidateve ne gare.
2. Perpjekje maksimale per te krijuar kushte te njejta per te gjithe kandidatet.
3. Shkelja e ketyre rregullave do te ishte nje demtim i rende dhe i pafalshem i gares se FRPD. Pershendetje Sali Berisha.”
