Kryetari i PD-së, Sali Berisha sot ka sulmuar sërish ambasadorët e vendeve të akredituara në Tiranë. Jo të gjithë, tha ai, por disa.
Diplomatëve, ish-kryeministri iu referua si “guvernator”, term që më parë e ka përdorur për ambasadoren Yuri Kim.
Lideri i së djathtës akuzoi se këta ambasadorë po “fusin” duart te drejtësia.
“Këtu e vërteta është se sot këtu guvernator trajtojnë drejtësinë shqiptare sikur është sesioni i ambasadave të tyre.
Këtu ambasadorët mashtrojnë qeveritë e tyre dhe mbulojnë të vërteta e tmerrshme për qeverinë shqiptare. Disa jo të gjithë, shumica, jo, por disa prej tyre” tha ai.
I pyetur se cili do të jetë skenari i protestës, ai tha se nuk do të jetë xhiro në bulevard. “Nuk është xhiro, por demonstrim i fuqishëm i forcës së shqiptarëve.
Pas datës 12? Unë mendoj se duhet protesta dhe PD nuk do të heqë dorë deri në fitore nga protestat” tha ai.
