Ish-kryeministri Sali Berisha sqaroi versionin e tij të përballjes në Britani për heqjen e non gratës, por që apeli e refuzoi duke e lënë në fuqi. Beteja jonë, tha ai, vazhdon, jo për “heqjen e përjashtimit (non gratës), por për shpifjen dhe trillimet”.
“Së parti akti nuk është marrë me vërtetësinë e provave dhe fakteve, por thjeshtë është marrë nëse sekretarja e shtetit ka pasur prova të mjaftueshme, ka bërë analizë të drejtë të provave për vendimin që ka marrë. Së dyti apeli na sqaron se nuk ka marrë parasysh mijëra faqe të dorëzuara nga Sali Berisha në Home Office, këto faqe nuk janë shqyrtuar sikur kërkon ligji nga sekretarja e shtetit, sepse sipas tyre janë dorëzuar me vonesë.
Por kjo është e pavërtetë. Avoketërit e mi kanë dorëzuar në kohë të gjitha dokumentet e kërkuara nga Home Office, por nuk i janë paraqitur sekretares së shtetit, me dy qëllime, që ajo të mos mësonte të vërtetën dhe të mos paraqiteshin në apel duke mos i shqyrtuar sekretarja e shtetit. Ne përfituam shumë nga ky proces.
Mësuam cfarë manovrimesh të ulëta u bënë për të fshehur të vërtetat, dosjen mijëra faqe para komisionit të apelimit të ankesave dhe së dyti nuk ekzsiton asnjë provë që të faktojë lidhjen e Sali Berishës me krimin. Akuzohem për lidhje me krimin duke përdorur një goditje me shkelm të Fation Dautit, që nuk e njoh, ndërkohë që në zyrën e Ramës ulet Luftar Hysaj, anëtari i kartelit Sinaloa dhe merr licencë për kazino” tha ai.
