TIRANË- Kreu i Partisë Demokratike, Sali Berisha, gjatë konferencës për denoncoi skandalin e hapjes së çështjeve penale pa person nga Altin Troplini. Berisah u shpreh se Troplini ka nisur hetime pa praninë e Irena Gjokës, duke e përpjekur të paraqesë atë si viktimë në mënyrë të padrejtë. Kryedemokrati gjithashtu akuzoi Altin Dumanin për fshehjen e pasurive dhe përfshirjen në një “kalbësirë mafioze” brenda narkoshtetit.
“Së fundmi, dua të informoj opinionin për aktin fasadë, të turpshëm të Altin Troplinit, i cili në një akt pafytyrësie, ka hapur çështje personale pa person për problemin e Irena Gjokës. Pra, ka hapur çështje penale pa person, pa Irenën, për Irena Gjokën. Në një përpjekje të turpshme për të nxjerrë se Irena është viktimë dhe i kanë marrë pasaportën.
A mund të imagjinoni ju se çfarë llumi profesional dhe njerëzor ka këtu? Irena me firmë dhe me vulë ka autorizuar me note avokatët për t’u marrë me dënimet e saj në Greqi dhe Altin Dumani hap çështje penale jo për personin, por për çështjen, vetëm e vetëm si ta mbrojë sepse është vetë një Irenë me pantallona.
Dumani përfaqëson një Irenë me pantallona. Një njeri që ka fshehur origjinën e pasurive, tre apartamente dhe banon në një vilë tjetër tek vjehrri. Pra, siç e shihni, një kalbësirë mafioze e narkoshtetit po dekompozohet,” tha Berisha.
