Edhe këtë fundjavë mbështetësit e ish-kryeministrit Sali Berisha janë mbledhur poshtë banesës së tij duke protestuar. Ata pos shprehin edhe për sot mbështetjen ndaj liderit të tyre dhe vazhdojnë akuzat për qeverinë e cila sipas tyre ka asgjesuar opozitën.
“Mblidhemi këtu për Sali Berishën sepse është njëri nga ne. Njeriun që na priu më shumë dhe më gjatë për të kthyer liritë, e cenojnë sot me heqjen e lirisë dhe fjalës, prandaj sot jemi në krah të tij”, tha një nga mbështetësit.
Që nga 30 dhjetori, Berisha ndodhet në arrest shtëpie për çështjen e privatizimit të ish-kompleksit Partizani. Që prej ditës që GJKKO i ndryshoi masën nga ‘detyrim paraqitje’ në ‘arrest në shtëpi’, mbështetësit e tij zhvillojnë çdo ditë protesta.
