Ish-kryeministri Sali Berisha ka ashpërsuar tonet, teksa është pyetur nëse po krijon padashur perceptimin se kryeministri Edi Rama është “i pathyeshëm”.
“Rama këputet në mes”, u shpreh Berisha duke e përsëritur disa herë. Gjatë intervistës në Euroneës, Berisha tha se arroganca e Ramës po e çon atë drejt përballjes me opozitën, e cila “do e këpusë në mes si plep i kalbur”.
“E qartë, po nuk votove, nuk ka siguri politike. Në qoftë se ai vazhdon me këtë gjë dhe ne do t’i përgjigjemi në të gjitha mënyrat. Ne jemi në alternativë “to be or not to be”. Ata të cilët i besojnë këtij kombi kanë detyrime. Rama këputet në mes, kur e them unë këtë, dhe koha do e provojë këtë. Rama po shkel çdo parim”, tha Berisha.
Pjesë nga intervista:
Berisha: Beteja ka filluar, do vazhdojë.
Erla Mehilli: E akuzuat Ramën për të gjithë këto bëma…Mos krijoni perceptimin që Rama është i pathyeshëm…
Berisha: Rama kputet në mes! Po të them unë ty, Rama këputet në mes. Po shkel çdo parim. Rama këputet në mes si plep i kalbur. Opozita do e këpusë. Ka një kufi në çdo gjë. Do të përballemi, përballemi, s’jemi ne që e ftojmë.
