Ministri i Shëndetësisë i Greqisë u distancua publikisht nga babai i tij i ekstremit të djathtë, për një përshëndetje naziste të bërë gjatë gjyqit në vazhdim të apelit të grupit neo-nazist Agimi i Artë.
Thanos Plevris, një ish-anëtar i partisë greke të ekstremit të djathtë Laos, e quajti gjestin “shtazor”.
Ministri i tha Skai TV se u ofendua veçanërisht që babai i tij Kostas Plevris, i cili mbron një ish-deputet të burgosur të Agimit të Artë në gjyq, pasi bëri gjestin javën e kaluar gjatë dëshmisë së dhënë nga nëna e Pavlos Fyssas, një reper antifashist i vrarë, nga një anëtar i Agimit të Artë në 2013.
“Më bëri të dridhem. Së pari, përshëndetja u bë brenda sallës së gjyqit. Dhe së dyti, ishte përballë një gruaje, fëmija e së cilës u vra nga një nazist. Unë nuk mbaj asnjë përgjegjësi, më bën të ndihem shumë keq”, u shpreh ministri Plevris për Skai Tv. Thanos Plevris shtoi se babai i tij kurrë nuk e ka fshehur ideologjinë e tij, e cila nuk është e paligjshme sipas ligjik grek.
