Liga e Kampionëve ka përfunduar javën e tretë me rezultate impresionuese dhe shumë gola nga skuadrat e njohura europiane. Ndër sfidat e rëndësishme ishte ajo mes Real Madridit dhe Juventusit, ku Jude Bellingham shënoi golin e vetëm që i dha fitoren “Los Blancos”, duke e dominuar ndeshjen.
Bayern Munich vazhdon të tregojë forcën e tij, duke mposhtur Club Brugge me një rezultat të thellë 4-0, me golat e shënuar nga Karl, Kane, Diaz, dhe N. Jackson. Pas një serie humbjesh, Liverpool arriti të rikthehet me një fitore të thellë 5-1 përballë Eintracht Frankfurt, me Ekitike dhe Van Dijk në listën e golashënuesve.
Chelsea gjithashtu pati një performancë të shkëlqyer, duke e mundur Ajaxin 5-1 në Londër, me tre adoleshentë në rolin e golashënuesve: Guiu, Estevao dhe George. Ndërkohë, Tottenhami dhe Monako u ndanë me nga një pikë pas një ndeshjeje të barabartë pa gola, ashtu si edhe Atalanta dhe Slavia Prague.
Në një tjetër përballje, Sporting Lisbona përmbysi Marseille me rezultat 2-1, duke siguruar një triumf të rëndësishëm.
Rezultatet përfundimtare të kësaj jave ishin si më poshtë:
- Real Madrid 1-0 Juventus (Bellingham 58′)
- Bayern Munich 4-0 Club Brugge (Karl 5′, Kane 14′, Diaz 34′, N. Jackson 79′)
- Chelsea 5-1 Ajax (Guiu 18′, Caicedo 27′, Enzo (P) 45′, Estevao (P) 45+6′, George 48′ / Weghorst (P) 33′)
- Eintracht Frankfurt 1-5 Liverpool (Kristensen 26′ / Ekitike 35′, Van Dijk 39′, Konate 44′, Gakpo 66′, Szoboszlai 70′)
- Monaco 0-0 Tottenham
- Atalanta 0-0 Slavia Prague
- Sporting 2-1 Marseille (Catamo 69′, Alisson Santos 86′ / Paixao 14′)
Me këto rezultate, javët e ardhshme priten me shumë interes për tifozët e futbollit në të gjithë Evropën.
