Pronari i Twitter, Elon Musk po kërcënohet me sanksione nga Bashkimi Evropian pasi llogaritë e disa gazetarëve që raportuan për miliarderin u bllokuan papritmas.
Gazetarët nga New York Times, CNN dhe Washington Post ishin në mesin e atyre që u bllokuan llogaritë e tyre.
Komisionerja e BE-së Vera Jourova tha se ligji i ri i BE-së për shërbimet digjitale kërkon “respektim për lirinë e medias”.
Ministria e Jashtme gjermane paralajmëroi gjithashtu Twitter se “liria e shtypit nuk mund të ndizet dhe fiket sipas dëshirës”.
Jourova tha gjithashtu se lajmet për pezullimin e llogarive të gazetarëve në Twitter ishin “shqetësuese”.
Musk shkroi në Twitter se llogaritë e bllokuara ishin të përfshira në doxxing, një term që përshkruan publikimin e informacionit privat në internet.
“Gazetarët u nënshtrohen të njëjtave rregulla doxxing si gjithë të tjerët”, shkroi Musk në Twitter.
Një zëdhënëse e Twitter tha më herët se ndalimi lidhej me ndarjen e të dhënave të vendndodhjes në kohë reale.
Musk më pas bëri një sondazh me ndjekësit të tij se kur duhet të zhbllokohen llogaritë.
Rezultati i “votimit” ishte heqja e pezullimit të llogarive.
Musk vazhdoi të zhvillojë një sondazh të dytë me më pak opsione, me rezultatet përsëri të prirura drejt heqjes së kufizimeve.
