Shkroi: Soni Salihi
Bayern Munich do të ketë shansin të ngushtojë diferencën prej shtatë pikësh ndaj liderit Bayer Leverkusen në përballejn e sotme me Union Berlin.
Bayern do t’i duhet të rimarrë veten pasi pësoi një humbje befasuese 1-0 ndaj Werder Bremen të dielën. Ish-lojtari i Bayern-it, Mitchell Weiser shënoi golin vendimtar për të dënuar bavarezët me humbjen e tyre të parë ndaj Bremenit që nga shtatori 2008 – një rezultat që ka çuar në shqyrtimin të pozitës së Thomas Tuchel si trajner i ekipit. Pas humbjes për herë të dytë këtë sezon, ndeshja e Bayernit me Unionin tashmë ka marrë një rëndësi më të madhe.
Kampionët në fuqi të Bundesligës do të jenë të vendosur t’i rikthehen rrugës së fitoreve dhe të mbyllin diferencën me Leverkusenin teksa kërkojnë titullin e 12-të radhazi në kampionat. Pavarësisht se nuk arriti të gjente rrjetën kundër Bremenit, skuadra e Tuchel është ende ekipi më me shumë gola në ligë, pasi ka shënuar 52 të tillë këtë sezon.
Ata janë të sigurtë se kjo shifër do të shtohet pasi kanë shënuar shtatë gola në dy ndeshjet e fundit të ligës në shtëpi kundër Unionit. Bavarezët arritën në një fitore 4-0 në shtëpi në mars 2022, përpara se të mundnin 3-0 kur ekipet u takuan për herë të fundit në Allianz Arena në shkurt 2023.
