Bayern Munchen ka marrë sërish drejtimin e Bundesligës në javën e 12 të saj.
Bavarezët mundën me rezultatin e thellë 6-2 ekipin e Mainz, në një ndeshje që foli e gjitha për vendasit të cilët e gjetën golin e avantazhit që në minutën e 4 të takimit.
Ajo që bie në sy në këtë ndeshje të Bayern është se ndonëse shënoi 6 gola ndaj kundërshtarëve të gjithë ata kishin autorë të ndryshëm, duke treguar në këtë mënyrë për një moment shumë të mirë të ekipit, që vinte në këtë ndeshje pas fitores së radhës ndaj Barcelonës në Champions League.
Pas këtij raundi Bayern rikthehen në krye të renditje me 25 pikë, 2 më shumë se Union Berlin i vendit të dytë, por me këta të fundit që kanë një ndeshje më pak. Ndërsa Mainz bie në vend të 8-të me 18 pikë.
RB Leipzig fiton me rezultatin 2-0 ndaj Bayer Leverkusen, me golat që për vendasit i realizuan Nkunku në minutën e 32’ dhe Werner në minutën e 83’. Pas javës së 12-të të Bundesliga Leipzig renditet në vend të 5-të me 19 pikë, ndërsa Bayer Leverkusen në vend të 16-të me 9 pikë.
Stuttgart-Augsburg u ndanë me rezultatin 2-1, me golat që për vendasit i realizuan Guirassy në minutën e 15’ dhe Anton në minutën e 90+1’ , ndërsa për miqtë shënoi Niederlechner në minutën e 4’. Pas javës së 12-të Stuttgart renditet në vend të 15-të me 11 pikë, teksa Augsburg në vend të 13-të me 14 pikë.
Wolfsburg bën poker ndaj Bochum, të cilin e mundi me rezultatin 4-0. Golat për vendasit i realizuan Nmecha në minutën e 27’ dhe të 58’, Baku në minutën e 35’ dhe Wind në minutën e 80’.
Pas javës së 12-të të Bundesliga, Wolfsburg renditet në vend të 12-të me 14 pikë, teksa Bochum në vend të 17-të me 7 pikë.
