Kryesia e Lulzim Bashës, e mbledhur mbrëmjen e së mërkurës ende vijon, me diskutime teknike për ndryshimet që do të ndodhin në statutin e PD-së. Mirëpo, ende nuk ka një përgjigje nëse PD e Lulzim Bashës do të marrë pjesë në garën e Kukësit apo jo.
I ftuar në “Tirana Live”, Ibsen elezi, ish-kandidant për drejtues të PD ka deklaruar se Basha po vepron pa logjikë. Sipas tij, ai nuk është forca më e madhe e opozitës.
“Unë nuk mendoj që Zoti Basha do të nxjerrë kandidaturën e duhur për në Kukës, për shkak se nuk ka forcën e duhur për një kandidat dhe për një garë.
Edhe zgjedhjet në 14 Maj e vërtetuan që në shumë pak degë, ku pretendonin se kanë forcë në strukturë kandiduan dhe morën rezultat shumë të dobët.
Besoj që mund të regjistrohen, por nuk paraqesin kandidaturë. Kjo janë lëvizje pa kuptim, e gjitha kjo që po bën Basha për mua është pa kuptim. Jo vetëm kjo që po bën Zoti Basha, por dhe ajo që po bën Zoti Berisha, se ai mund t’i kishte kërkuar Gjykatës një masë themelore, nëse kuvendi i dhjetorit është i vlefshëm. Në qoftë se shpallet i vlefshëm për të cilën gjykata ka marrë një vendim, është shpall 11 dhjetori dhe nuk i ka dhënë të drejtë Zotit Basha. Ai ishte kryetar, nuk kishte pse rizgjidhej për të rikonfirmuar veten”, u shpreh Elezi.
