Kryedemokrati Lulzim Basha ka njoftuar mbledhjen e Grupit Parlamentar të PD-së pasditen e sotme.
Mësohet se mbledhja është lënë në orën 17:00 të ditës së sotme.
Gjatë ditëve të fundit Bashës i kanë kërkuar të dorëhiqet një numër i madh deputetësh, ndërsa ai kishte kërkuar kohë për ta konsultuar këtë me strukturat e partisë.
Koha tashmë duket se ka përfunduar dhe Bashës sot i duhet të marrë një vendim, i cili pritet të shpallet pasditen e sotme.
Deputetja e Lushnjes, Ilda Dhori në një intervistë që ka dhënë në një televizion ka deklaruar se dorëheqja e Bashës është shumë e vonuar në kushtet kur ka humbur përsëri dhe kur i gjithë grupi parlamentar i cili e mbështeti dhe në këtë zgjedhje duke respektuar siglen e PD.
Deputetja vazhdoi me tej se, ajo ka qenë gjithmonë kundër përjashtimeve, dhe Basha duhet të dorëhiqet sa më parë për t’i hapur rrugën një gare të barabartë dhe bashkimit të PD.
Ish-ministri Arben Imami deklaroi në emisionin ‘Çim Peka Live’ se, vendi ka nevojë urgjente për një opozitë të vërtetë. Imami deklaroi se edhe sikur të gjithë ministrant të kenë qenë të korruptuar, Lulzim Basha është i vetmi kryetar partie që po pasurohet në opozitë duke shitur jo vetëm vendin e tij të punës, por edhe të ardhmen e vendit.
“Nuk them që thjesht Basha nuk ka fituar por nuk ka bërë opozitë, ka shitur opozitën, po dalin me fakte. Mund të jetë e vërtetë që çdo ministër të ketë qenë i korruptuar në këtë vend por është hera e parë që kryetari i një partie bën para në opozitë. Nuk shet vetëm vendin e tij të punës, por shet të ardhmen e Shqipërisë. Kemi nevojë për një opozitë që të kemi një fitore”, tha Imami.
