Kryetari i PD-së, Lulzim Basha mblodhi disa nga partitë dhe zërat opozitarë kundër qeverisë dhe Sali Berishës. Ai listoi objektivat duke kërkuar ndryshimin e sistemit zgjedhor, hapjen e listave dhe votimin e diasporës. Tha se ka gati programin e qeverisjes.
“Jemi një vit përpara afateve të zgjedhjeve nëse mbahen sipas afateve të kodit. Shkojmë një ditë përpara afatit të përfundimit të komisionit të reformës zgjedhore dhe një kodi që është goditur dy herë, për herësin dhe votën e shqiptarëve jashtë Shqipërisë. Kjo janë emergjenca. Por nuk ka demokraci pa proces. Jam i mikluar për t’u zhytur në debatin e asaj që presin shqiptarët nga opozita e djathtë.
Nuk kam asnjë hezitim që atë që kemi nisur ta ndajmë për një ofertë për kodin zgjedhor dhe hallet e përditshme. Interesi i shqiptarëve te kodi zgjedhor është më i kufizuar sesa te përgjigjet, si do të zgjidhim problemet me të cilat shqiptarët përballen cdo ditë, tek ekonomia, shpopullimi dhe të tjera plagë të thelluara në dekadën e fundit. Është barra por edhe zgjidhja e demokracisë që t’i trajtojmë përmes ofertës.
Thënë ndryshe, detyra jonë në një situatë normale është jo më pak se hartimi i një alternative të plotë dhe të besueshme dhe përgjegjësia për të zgjedhur atë apo monarkët e post tranzicionit është detyra e shqiptarëve. Por nuk jemi akoma aty për shkak të marrëveshjes së 2008-tës. Propozimet tona janë institucione; edhe unë preferoj një sistem të pastër mazhoritar, por si PD kemi kërkuar një proporcional kombëtar me lista të hapura me votim elektronik dhe numërim elektronik.
Kjo bën të mundur votimin e diasporës jashtë Shqipërisë, masivisht pa mundësi manipulimi. Listat e hapura nuk i kërkojmë për veten tonë. Cdo kryetar partie nuk do të donte të dorëzonte një pushtet shtesë, por listat e hapura janë një farë kompensimi për sistemin. Duke eliminuar kështu sekserin, kryetar partie. Lista e hapur nuk është interes partiak, është shërbim ndaj shqiptarëve, interesi dhe përfitimi i shqiptarëve.
Por që listat të jenë të hapura dhe të mos përfundojmë sërish në 85 mijë vota të pavlefshme, 8 mandate, kur deiferenca opozitë-shumicë është 7 mandate, na duhet votimi dhe numërimi elektronik. Është provuar i suksesshëm në 4 palë zgjedhje dhe që kundërshtohet pa asnjë argument.
I vetmi argument është kosto financiare, që është 1/100 e kostos së deformimit të demokracisë. Sa për sistemin kombëtar, jo vetëm i jep fund deformimit të votës duke zhvlerësuar votë e një qytetari në Kukës në raport me një në Vlorë, por e trajton Shqipërinë si një zonë elektorale duke hequr grykën e shishes që pamundëson votën e Diasporës.
Funksionimi i drejtësisë së pavarur. Drejtësia sot është në një sulm të sinkronizuar pikërisht sepse për herë të parë në 34 vite po rreket që t’i japë fund kulturës së pandëshkueshmërisë. Të fortët e politikës, ekonomisë dhe botës së nëndheshme. Të gjitha këto bashkohen në një hark, të opozitës Euro-atlantike.
Qëllimi ynë është që t’i japim fund kësaj drame të madhe që është kërcënimi më i madh për sigurinë kombëtare që është shpopullimi. Kemi një plan të plotë që jemi gati ta paraqesim para grupeve të interesit. Por më parë do ta paraqesim në këtë tryezë. Këto janë cështjet që mblidhemi sot në këtë tryezë të parë.
Ne jemi të hapur, e mirëpres me të dyja, krahët hapur, vlerësimin, nxitjen, kritikën e avokat Ngjelës, që koha nuk pret. Ky duhet të jetë thelbi i takimeve të ardhshme. Ne jemi gati të ndërmarrim këtë debat, dialog idesh thelbësore të programit për të nesërmen. Kjo javë shënon edhe fundin e një maskarade në raport me reformën zgjedhore dhe kërkon edhe në vijim vëmendje maksimale politike, sot këtu dhe nesër në Kuvend.
Ne duam një reformë për përfitimin e tyre dhe këta nuk duan reformë zgjedhore ose duan të bëjnë ndryshimet që përfitojnë vetë. Këta bashkëpunojnë sa herë kanë nevojë për interesat e tyre dhe kundër interesit të shqiptarëve. të tjerët janë bashkuar dhe ribashkuar në Pazar, si në 2008 për interesat e tyre kundër interesave të shqiptarëve. Na duhet qartësi dhe një kalendar veprimesh në raport me Kodin zgjedhor, por edhe idetë dhe platformën e këtij harku opozitar” tha ai. E
