Ish-kryetari i PD Lulzim Basha, një ditë pas dorëheqjes, u rikthye në zyrën e tij në selinë blu për të mbledhur plaçkat dhe për tu transferuar pranë kullave “Zayed Center” ku pritet të strehoj grupin e tij të besnikëve.
Basha gjithashtu u përball edhe me grupimin Dhjetor ‘90, të cilët prej muajsh kërkonin largimin e tij nga partia.
E ndërsa kureshtja ka qenë e lartë, si dhe ka pasur komente të ndryshme mbi paraqitjen e ish kryetarit të PD në zyrën e tij, e vërteta është zbuluar.
Luli, pasi dha dorëheqjen ditën e djeshme doli menjëherë nga selia, ndërsa sot u rikthye për të ngritur “plaçkat”.
Pas 9 viteve dështim në krye të PD, ai nuk mund të bënte ndonjë punë të madhe një ditë pasi dha dorëheqjen vetëm se të mblidhte sendet e tij personale.
Tashmë, Basha është thjesht dhe vetëm një deputet i kësaj force politike dhe asgjë më shumë. Ai do vijoj të jetë i tillë edhe për gati tre vitet e ardhshme.
