Ditën e sotme kreu i Grupit Parlamentar të Partisë Demokratike Gazment Bardhi ka nisur takimet si drejtuesi i qarkut të Fierit.
Bardhi u shoqërua edhe nga deputetët Flamur Noka dhe Luan Baçi.
Në postimin në rrjetin e tij social Bardhi thotë që ndalesa e parë në takimin prezantues me strukturat drejtuese të degës ishte qyteti i Fierit.
Ai shprehet se ndihet falenderues nga mikëpritja dhe energjia që të gjithë së bashku të bëjmë më të mirën për Partinë Demokratike dhe për Shqipërinë.
“Fieri ka qindra arsye për të mbështetur ndyshimin, por mbi të gjitha, se kurrë nuk ju kthye besimi i madh që i kanë dhënë ndër vite partisë në pushtet. Në vend të mirënjohjes, qytetarët e ndershëm e punëtorë të Fierit u përballën gjatë gjithë këtyre viteve me arrogancën, varfërinë dhe korrupsionin në çdo sektor”, shkruan Bardhi.
