Pas paraqitjes së zëvendëskryeministres Belinda Balluku në Prokurorinë e Posaçme, kreu i Grupit Parlamentar të Partisë Demokratike, Gazment Bardhi, ka reaguar me tone të ashpra në rrjetet sociale.
Ai e akuzoi Ballukun për abuzim me fondet publike dhe parashikoi se shumë shpejt ajo do të përfundojë në burg.
“Është fiks ashtu siç qytetarët e quajnë teksa hyn në derën e SPAK. Hajdute e miliona eurove të taksave të shqiptarëve. Sot në SPAK, shumë shpejt tek Burgu i Grave në Pojskë,” shkroi Bardhi.
Deklarata vjen në një moment kur Balluku është thirrur për t’u njohur me akuzat për shkelje të barazisë në tendera, lidhur me projektin e tunelit të Llogarasë.
Reagimi politik pritet të shtojë tensionin institucional mes mazhorancës dhe opozitës.
