Barcelona ka shënuar një fitore të rëndësishme në garën për titullin e La Ligës, duke mundur Atletico Madrid me rezultatin 3-1 në “Camp Nou”. Ndeshja filloi me një avantazh për ekipin e Diego Simeones, i cili shënoi në minutën e 19’ me një gol nga Baena. Megjithatë, katalanasit nuk u dorëzuan, duke barazuar përmes Raphinhas vetëm 7 minuta më vonë.
Në minutën e 36’, Robert Lewandowski kishte mundësinë të kalonte Barcelonën në avantazh, por gjuajtja e tij nga pika e bardhë e penalltisë përfundoi në humbje. Pjesa e dytë u dominua nga Barcelona. Në minutën e 65’, Dani Olmo shënoi golin që i dha avantazhin ekipit të trajnerit Flick, ndërsa në minutën e 90+6’, Ferran Torres vulosi fitoren me golin e tretë.
Pas kësaj fitoreje, Barcelona mban vendin e parë në La Liga me 37 pikë, katër më shumë se Real Madrid, por me një ndeshje më shumë. Atletico Madrid, nga ana tjetër, renditet në vendin e katërt me 31 pikë.
REZULTATI:
BARCELONA 3-1 ATLETICO MADRID
Golat: Raphinha 26’, Olmo 65’, Torres 90+6’ / Baena 19’
Për të parë videot e golave dhe penalltisë të humbur nga Lewandowski, ndjekësit mund të vizitojnë lidhjet përkatëse.
