Barcelona e ka nisur me barazim pa gola ndaj Rayo Vallecanos së Ivan Balliut sezonin e ri të La Ligas. Skuadra e Xavit, së cilës këtë merkato iu bashkuan shumë emra premtues si Lewandowski apo Raphinha, nuk ia ka dalë të debutojë me sukses në edicionin 2022-2023 të elitës së futbollit spanjoll.
Përtej dominimit absolut nga Barça, pjesa e parë e kësaj ndeshje pati raste të shumta nga katalanasit, por rruga drejt rrjetës nuk u duk.
Edhe në pjesën e dytë asnjë prej dy skuadrave qoftë ajo katalanase, por edhe Rayo Vallecano nuk mundën që të shënon. Në minutën e 90+3’ Barcelona mbeti me 10 lojtarë në fushën e lojës, pas Busquets mori kartonin e dytë të verdhë dhe la skuadrën në inferioritet.
Kështu të dyja skuadrat e mbyllin javën e parë të La Liga-s me nga një pikë.
