Avokati Edmond Petraj ishte i ftuar sot në emisionin “Breaking” në Top News, ku foli në lidhje me hetimet e SPAK për dosjen “Metamorfoza”.
Ai shtoi se është një hetim shumë i rëndësishëm që do të zgjasë në kohë, ku është e përfshirë sigurisht dhe politika. Megjithatë, sukses ky hetim do të ketë, sipas avokatit, vetëm nëse hetohen bankat e nivelit të dytë në vendin tonë.
“Kemi një lëvizje të jashtëzakonshme të Prokurorisë së Posaçme, e nxitur nga ambasada amerikane. Nuk po bëhen selektive për persona të veçantë. Kjo do të jetë një dosje maratonë, do mbarojë pas 5 ose 6 vitesh.
Ngelet për tu parë se si do vijojë në ditët në vazhdim, por ajo që dëgjoj unë, me ato shifra marramendëse, me 5 mln euro do vrasim këtë, ose jemi kaq atij, më duken të pabesueshme. Pse? Sepse 5 mln euro bën ky shteti. Është katastrofë, më duken shifra të ekzagjeruara.
Megjithatë, nëse hetohet kjo dosje, patjetër do dalin personazhe politikë, patjetër do dalin bankierë, patjetër do dalin bankat e nivelit të dytë. Do dalin dhe ndërtime masive në Tiranë. Por do ta quaja sukses, nëse do të hetohet bankat. Po ashtu, se si lejet e ndërtimit merren përsipër dhe projektet madhore me investime të jashtëzakonshme miliona euro për kullat në Tiranë bëhen nga bankat.”– tha avokati.
