Shprehja e njohur që bota vuan sepse nuk ngop dot të pasurit dhe jo të varfërit është më aktuale se kurrë në rastin e oligarkut Shefqet Kastrati.
Njeriu që ka kapur çdo që në Shqipëri duke filluar nga karburantet, ndërtimi, hotelet, tregëtia e makinave, trau i rrugës së kombit, aeroporti dhe shumë të tjëra, shkon dhe fiton tenderin e naftës në bashkinë Skrapar.
Më shumë për qeshur po dhe aq për të qarë, ky rast tregon që oligarkët nuk lejojnë që të tjerët të mbijetojnë apo edhe të punojnë në qytetet e tyre.
Në vend që këtë tender në vend ta fitonte një kompani lokale nga Skrapari ose Berati, shkon e fiton “kuçedra e pangopur” Shefqet Kastrati. Kompania e oligarkut të naftës ka fituar në datën 23 Shkurt tenderin në bashkinë Skrapar me vlerë 37 milion e 500 mijë lek si më poshtë vijon pa garë:
Numri i referencës së procedurës /Lotit: REF-94773-02-08-2024 4.
Objekti i kontratës / Marrëveshjes Kuadër: Blerje nafte për administratën, për ujitje-kullimin dhe për zjarrfikësen për vitin 2024 5.
Fondi limit : 3 750 000 (tremilion e shtatëqind e pesëdhjetëmijë) lekë pa TVSH.
Kohëzgjatja e kontratës/marrëveshjes kuadër ose afati për zbatimin e saj: deri në 31.12.2024
Fitues: Kastrati sh.p.k
Oligarku Shefqet Kastrati është biznesmen me prejardhje nga Kukësi. Ai është pronar i “Kastrati Group”, dhe llogaritet si njëri ndër personat më të pasur në Shqipëri.
Ai në kuadër të Kastrati Group, ka edhe bizneset Kastrati SHA, Kastrati, Albsig, ASA Autostar Albania, Kastpetrol etj.
Sipas të dhënave të publikuara nga Kastrati Grup vetëm në vitin 2023 ai ka pasur një qarkullim në shumën prej 580 Milionë euro.
Nga biznesi Kastrati SHA qarkullim prej 328 milionësh, nga biznesei Kastrati 108 milionë, nga Albsig 16 milionë, Auto Star Albania 16 milion.
Në vitin 2017, “Kastrati Group” bleu prej Grupit Kharaf, ish-Hotel Sheratonin, duke i shtuar kështu inventarit të pronave të tij edhe një hotel të mirënjohur. Paralel me këtë, Kastrati Group është duke përfunduar si bashkë investitor qendrën e biznesit “Turdiu”, është bashkësipër- marrës në projektin Tirana Down Town” që po dërtohet ngjitur me Europian Trade Center etj.
Kastrari e ka fituar tenderin e mirëmbajtjes së “Rrugës së Kombit”.
Që nga viti i kaluar kompania e tij, mbledhë taksa për secilin person që kalon nga rruga e kombit. Ai nuk ka kursyer të martën as rreth 3000 automjete që nga Kosova kanë hyrë në Shqipëri pjesa më e madhe e tyre që janë organizuar për të ndihmuar të prekurit nga termeti i fuqishëm prej 6.4 shkallë të rihterit.
Shefqet Kastrati është njeriu që në vazhdimësi ka fituar kontrata me miliona lekë me institucionet shqiptare për karburantin që tregëton.
Kontratat janë të panumërta, por insitucionet ku ka marrë më së shumëti tendere janë Gjykatat, Policia, Doganat, Ministria e Financave, Drejtoria e Përgjithshme e Tatimeve, Ministria e Bujqësisë, Hekurudhat, Spitalet, Drejtoria e Përgjithshme e Burgjeve, Fondi Shqiptar i Zhvillimit, AKEP etj.
Mediat në Shqipëri kanë publikuar një listë me tenderet dhe shumat e tyre që Kastrati kishte fituar nga institucionet vetëm gjatë ndër vite.
