Fëmijët, së bashku me prindërit e tyre, u përfshinë në një udhëtim magjik në xhungël gjatë shfaqjes në Teatrin e Kukullave. Me kukulla anatomike, të ngjashme me kafshët e gjalla, aktorët ofruan një spektakël tërheqës që për 50 minuta i mbajti të vegjlit të angazhuar dhe të emocionuar.
Shfaqja, e titulluar “Libri i Xhunglës”, u prezantua nën regjinë e Ina Morinaj dhe u dallua për interpretimin e talentuar të aktorëve, të cilët përfaqësuan me mjeshtëri personazhet e saj. Të pranishmit iu bashkuan aventurave të Moglit, teksa ai përballte sfida për të mbijetuar në xhungël.
Ilia Kaçi theksoi se reagimet e publikut ishin të shumta dhe reflektuan elementë të veçantë të shfaqjes. Erdit Asllanaj e përshkroi atë si një kryevepër, duke theksuar që ishte pritur shumë mirë nga shikuesit. Aleksandër Grami shprehu kënaqësinë që qëllimi i tyre ishte realizuar, duke sjellë publikun më afër atmosferës së xhunglës.
Juxhin Plovishti gjithashtu shprehu lumturinë për pranimin e ngrohtë të shfaqjes nga publiku, duke falenderuar kolegët për energjinë pozitive që ndihmuan në krijimin e një atmosfere argëtuese.
Aventura e Moglit do të vazhdojë edhe fundjavën e ardhshme në Teatrin e Kukullave, duke ofruar fëmijëve një mundësi të re për të përjetuar emocionet e kësaj historie të njohur.
