Pothuajse 9 ton kokainë u kapën në një gjysmë-nëndetëse në Portugali gjatë një operacion të madh anti-droge, duke shënuar kështu sasinë më të madhe të sekuestruar ndonjëherë në këtë vend. Operacioni, i quajtur “Adamastor”, çoi në sekuestrimin e rreth 300 pakove të drogës, të cilat po transportoheshin nga një anije gjysmë-nëndetëse, e cila u kap 230 milje detare larg Azore.
Autoritetet portugeze vlerësuan se ngarkesa mund të sillte “qindra miliona euro” për trafikantët. Megjithatë, rreth 35 pako u humbën në det pas fundosjes së anijes. Në bord ndodheshin tre kolumbianë dhe një venezuelian, të cilët u shpëtuan para fundosjes dhe u arrestuan. Sipas Policisë Gjyqësore Portugeze (PJ), ata i përkasin një rrjeti kriminal dhe do të merren në pyetje në Ponta Delgada të Azoreve.
Fatkeqësisht, autoritetet nuk kanë specifikuar destinacionin përfundimtar të ngarkesës, por kanë deklaruar se droga nuk ishte planifikuar për një vend të vetëm, por për shpërndarje të gjërë në Evropë. Operacioni u zhvillua në bashkëpunim me Marinën dhe Forcat Ajrore për të luftuar trafikun detar ndërkontinental të drogës.
Ky sekuestrim është i konsideruar si ndodhia më e madhe e tillë në histori dhe një nga më të mëdhatë në Evropë. Gjatë një konference për shtyp, drejtori i Njësisë Kombëtare për Luftimin e Trafikimit të Drogës (UNCTE), Artur Vaz, konfirmoi se u gjetën 265 pako, me sasinë totale të vlerësuar në afërsisht nëntë ton kokainë.
Operacioni u mbështet edhe nga autoritetet e Shteteve të Bashkuara dhe Mbretërisë së Bashkuar, dhe u realizua në kushte të vështira atmosferike. Kjo ngjarje nënvizon agresivitetin e përpjekjeve për të luftuar trafikun e drogës në det dhe rëndësinë e bashkëpunimit ndërkombëtar në këtë luftë.
