Mbrëmjen e sotme është regjistruar një ngjarje e rëndë në Shkozë në Tiranë, ku disa persona të maskuar i kanë dalë në pritë një të riu.
Mësohet se 21-vjeçari me iniciale H.Xh, ka qenë në makinë i shoqëruar nga një vajzë kur persona të maskuar kanë qëlluar me armë në drejtim të tyre.
Fatmirësisht plumbat nuk e kanë kapur dhe nuk ka të plagosur. Mësohet se autorët kanë qëlluar më armë zjarri e kanë dhunuar të riun me sende të forta.
Policia ndodhet në vendngjarje dhe po heton, ndërsa në vendngjarje janë gjetur gëzhoja armësh.
