Një ngjarje e rëndë ka ndodhur mbrëmjen e djeshme në lagjen “Kiras” të Shkodrës, ku u ekzekutua 19-vjeçari Erjon Xhenja.
19-vjeçari ishte në një lokal, ku dy persona u futën brenda ambientit e qëlluan me breshëri plumbash duke e lënë në të vdekur në vend dhe u larguan nga vendi i ngjarjes me një motoçikletë.
Biseda e fundit e Xhenja ka qenë me babain. Mësohet se babai kishte kërkuar të birit që ta shoqëronte dhe të shkonin në Malin e Zi, por 19-vjeçari nuk kishte pranuar duke thënë se ishte duke pirë kafe.
Hetuesit janë duke marrë në pyetje dëshmitarët që kanë qenë në vendngjarje, për të zbuluar më tepër detaje rreth saj.
19-vjeçari që mbeti i vrarë është i afërm i dy vëllezëve të shpallur në kërkim, Shkëlzen dhe Sehar Xhenja që akuzohen për atentatin ndaj Taulant Pepajt, në 21 shkurt të 2021. Nuk dihet nëse ka lidhje atentatii mbrëmshëm me këtë ngjarje.
Policia po punon për zbardhjen e plotë të rrethanave të ngjarjes si dhe identifikimin e autores.
