Makina e autorëve të vrasjes së Gjovalin Prendi në Lezhë rezulton e vjedhur në Peqin në 13 mars të këtij viti.
Hetuesit vijojnë të kërkojnë detaje për atentatin ndaj babait të Roan Brahimi, i ekzekutuar në Athinë në 9 maj 2024, person i skeduar për disa ngjarje kriminale. Makina e vjedhur u gjend e djegur në fshatin Gjormë.
Dyshohet se autorët ishin 3 persona, dy zbritën nga makina dhe qëlluan 64-vjeçarin në lokalin e tij në Pllanë të Lezhës. Në bar kafe ndodhej edhe bashkëshortja e viktimës, por ajo ka heshtur para hetuesve për autorët.
Pas vrasjes në Lezhë, në Tiranë u shënua një tjetër atentat me 4 të plagosur dhe hetuesit dyshojnë se dy ngjarjet kriminale kanë një pistë, hakmarrje ndaj familjarëve të Roan Brahimit.
